МАНАЙ ҮНЭ ЦЭНЭ
Ёс зүйг эрхэмлэнэ.
Нөү хау болон үл өөрчлөгдөх чанарын баталгаа
Олон улсад хүлээн зөвшөөрөгдсөн сайн туршлага
Мэргэжлийн өндөр чадавхи, Хурдтай үйлчилгээ
МАНАЙ БАГ
Н.Тамир нь Монгол Улсын Их Сургуулийн Хууль Зүйн Сургуулийг эрх зүйч мэргэжлээр бакалаврын зэрэгтэй, Хүмүүнлэгийн Ухааны Их Сургуулийг бизнес удирдлагын магистрын зэрэгтэйгээр тус тус төгссөн. Тэрээр тус нөхөрлөлийн үүсгэн байгуулагч гишүүн бөгөөд Монголын Хуульчдын Холбооны гишүүн. Н.Тамир нь сүүлийн 10-аад жилийн хугацаанд иргэний эрх зүй болон захиргааны эрх зүйн салбарт ажиллаж байгаа ба тэр дундаа компанийн эрх зүй, хөрөнгө оруулалт, франчайз, концесс, төр хувийн хэвшлийн түншлэл, тендер, тусгай зөвшөөрөл, төслийн санхүүжилт, олон улсын худалдаа, үл хөдлөх хөрөнгө, өрсөлдөөн, хөдөлмөрийн эрх зүй болон шүүн таслах ажиллагаанд голчлон ажиллаж байна. Тэрээр Монгол Улсын Дээд Шүүхэд бүртгэлтэй өмгөөлөгч юм. Н.Тамир нь Англи, Орос хэлтэй.
Энхэлийн Жаргал нь Монгол Улсын Их сургуулийн Хууль зүйн сургуулийг бакалаврын зэрэгтэй эрх зүйч мэргэжлээр, Удирдлагын Академийн магистрын зэрэгтэй бизнес удирдлагын мэргэжлээр тус тус төгссөн. Э.Жаргал нь "Коморэби Партнерс" ХХН-ийн хамтран үүсгэн байгуулагч юм. Тэрээр хөрөнгө оруулалт, гадаадын болон дотоодын компаниудад хууль эрх зүйн зохицуулалт, анхдагч зах зээлд хувьцаа нийтэд санал болгох асуудал, банк санхүүгийн салбарын эрх зүйн орчин болон зээл, барьцааны асуудал, ашигт малтмалын болон бусад тусгай зөвшөөрлийн талаар материал бүрдүүлэлтэд, оюуны өмчийн эрх зүйн асуудал, гааль болон татварын эрх зүйн асуудал зэргээр зөвлөгөө өгөх, гэрээний маргаан, захиргааны маргааны чиглэлээр мэргэшсэн. Э.Жаргал нь “Коморэби Партнерс” ХХН-ийг үүсгэн байгуулахаасаа өмнө банк санхүүгийн салбарт ажиллаж байсан туршлагатай. Монголын хуульчдын холбооны гишүүн, өмгөөлөгч юм. Э.Жаргал нь Англи хэлтэй.
Б.Цэнгүнжав нь Унгар улсын Хууль, улс төрийн шинжлэх ухааны их сургуульд хууль зүйн докторын зэрэг хамгаалсан. Б.Цэнгүнжав нь оюуны өмчийн эрх зүйн зохицуулалт, татварын эрх зүйн орчин болон түүнд холбогдох маргаан шийдвэрлэх ажиллагаа зэрэг чиглэлээр ажиллаж туршлага хуримтлуулсан. Тэрээр бизнесийн үйл ажиллагаанд хөндлөнгийн судалгааг хийж, Монгол улс дахь үйл ажиллагааных нь талаар, түүний дотор оюуны өмчийн эрх зүй болон татвар зэрэг асуудлуудаар тогтмол зөвлөгөө өгч ажилладаг. Б.Цэнгүнжав нь Үндэсний Аудитын Газарт хуульч, мөн Монгол Улсын Засгийн Газрын Цөмийн Энергийн Комисст тусгай зөвшөөрлийн мэргэжилтэнгээр ажиллаж байсан. Тэрээр Унгар болон Англи хэлтэй.
П.Одмаа нь Америкийн нэгдсэн улсын Аризонагийн Их Сургуулийг Удирдлагын мэдээллийн систем мэргэжлээр бакалаврын зэрэгтэй, Франц улсын Инсеад Их Сургуулийг бизнес удирдлагын магистрын зэрэгтэйгээр тус тус төгссөн. П.Одмаа нь менежмент, өгөгдлийн шинжилгээ, хөрөнгө оруулалт болон бизнес хөгжил зэрэг чиглэлээр мэргэшсэн. Тэрээр Англи болон Орос хэлтэй.
